kirtads

പട്ടികവിഭാഗങ്ങളെ സംബന്ധിക്കുന്ന വിവിധ വിഷയങ്ങളില്‍ വിശേഷിച്ചും അവരെ സംബന്ധിച്ച വസ്തുതാപരമായ ആസൂത്രണം, കാര്യനിര്‍വഹണം , ഭരണ നിര്‍വഹണം , ഉചിതമായ നിയമനിര്‍മാണം എന്നിവക്ക് ആവശ്യമായ പണ്ഡിതോചിതവും വൈദക്ത്യാപരവുമായ പിന്തുണയും മാര്‍ഗ്ഗനിര്‍ദ്ദേശങ്ങളും നല്‍കുക. സമൂഹത്തിലെ പട്ടിക വിഭാഗം ജനതയുടെ ക്ഷേമത്തിനായുള്ള ഗവേഷണപഠനങ്ങള്‍ , വ്യാപന പ്രവര്‍ത്തനങ്ങള്‍ , വികസന പ്രാരംഭപ്രവര്‍ത്തനങ്ങള്‍ , നയപരമായ തീരുമാനങ്ങള്‍ എന്നിവക്കുള്ള ആശയങ്ങളുടെയും അറിവുകളുടെയും സംഭരണശാലയായി പ്രവര്‍ത്തിക്കുക . വിവിധ സര്‍ക്കാര്‍ പദ്ധതികളുടെ വിലയിരുത്തല്‍ പഠനങ്ങള്‍ നടത്തുക , പട്ടിക വര്‍ഗ ജനതയുടെയും അവരുടെ കാര്യങ്ങളുമായി ബന്ധപ്പെട്ട് പ്രവര്‍ത്തിക്കുന്ന വ്യക്തികളുടെയും സ്ഥാപനങ്ങളുടെയും കാര്യക്ഷമത പരിപോഷിപ്പിക്കുക അറിവിന്റെ വ്യാപനവും അവബോധ നിര്‍മാണവും നടത്തുക ; സംശയാസ്പദമായ പട്ടികജാതി/ പട്ടികവര്‍ഗ അവകാശ വാദങ്ങളെ 1996 ലെ കേരള (പട്ടികജാതികളും പട്ടികവര്‍ഗ്ഗങ്ങളും) റെഗുലേഷന്‍ ഓഫ് ഇഷ്യൂ ഓഫ് കമ്മ്യൂണിറ്റി സര്‍ട്ടിഫിക്കറ്റ് ആക്ട് പ്രകാരം ദ്രുതഗതിയില്‍ തീര്‍പ്പാക്കികൊണ്ട് പട്ടിക ജാതി / പട്ടിക വര്‍ഗ ജനതയുടെ ഭരണഘടനാപരമായ അവകാശം സംരക്ഷിക്കുക. സംസ്ഥാനത്തെ പട്ടികവര്‍ഗ വിഭാഗങ്ങളുടെ സുസ്ഥിര വികസനത്തിന് ഉതകുന്ന മേളകള്‍ , സെമിനാറുകള്‍, പരിശീലന പരിപാടികള്‍ , മറ്റു ദേശീയവും അന്തര്‍ദേശീയവുമായ തലത്തിലുള്ള പ്രവര്‍ത്തനങ്ങള്‍ എന്നിവ സംഘടിപ്പിക്കുക . ഉള്‍ച്ചേര്‍ക്കല്‍ വികസനത്തിലൂടെ പട്ടിക വിഭാഗം ജനതയുടെ പാരമ്പര്യ അറിവുകള്‍ , കലാരൂപങ്ങള്‍ , സംസ്‌കാരം എന്നിവ സംരക്ഷിക്കുന്നതിനും ഏറ്റെടുക്കുന്നതിനുമുള്ള പ്രവര്‍ത്തനങ്ങള്‍ സംഘടിപ്പിക്കുക.